By: Reymond Pepito

Kon mamolak ka’g usab
dili unta paliron sa kusog nga hangin,
dili unta mapopo sa uwan.

Tugoti sa maka-usa pa
nga alirongan kas mga higala
mong buyog ug alibangbang
nga maoy magdala’g kalipay sa oras
nga ikaw mobati’g kamingaw.

Tugoti pud ang adlaw
nga monusikad, sa tinuod
dugay mo kining gihuwat.
Dili na unta ka motago.
Dili na unta ka mairog
sa pagsugat sa hayag.

Naibot man ko layo kanimo,
sa akong pagkahulog, huwat
angpanahon maolak pa’g usab
ang imong kasing-kasing.